
Monday, January 19, 2009
“Дижитал” хамтлагийнхан ой тогтоолт муутай

Поп од Lady GaGa Британийн жагсаалтыг тэргүүлж байна

Нью-Йорк хотоос гаралтай шинэ, поп дуучин Lady GaGa анхны сингль “Just Dance” дуугаараа Их Британийн шилдгүүдийн жагсаалтыг хоёр дахь долоо хоногтоо тэргүүлж байна. Өнгөрсөн ням гаригт “Pussycat Dolls” хамтлагтай хамтарсан аялан тоглолтоо Их Британиас эхлүүлсэн дуучин бүсгүйн “The Fame” нэртэй цомог нь мөн шилдэг цомгийн жагсаалтад хүч түрэн орж ирж, эхний долоо хоногтоо гуравдугаарт бичигджээ. Шилдэг дууны жагсаалтын хоёрдугаарт реппэр Kid Cudi-гийн “Day n’ Nite” дуу бичигдсэн бол 11 дэх долоо хоногтоо шилдгүүдийн жагсаалтад багтаж буй James Morrison, Nelly Furtado нарын хамтран дуулсан “Broken Strings” дуу гуравт жагссан байна.
Топ таван дуу:
1. Lady GaGa – Just Dance
2. Kid Cuvi vs Crookers – Day N’ Night
3. James Morrison ft. Nelly Furtado – Broken Strings
4. Saturdays – Issues
5. Kevin Rudolf ft. Lil’ Wayne – Let It Rock
Топ таван цомог:
1. Script – The Script
2. Kings of Leon – Only by the Night
3. Lady GaGa – The Fame
4. James Morrison – Songs for you, Truths for me
5. Duffy - Rockferry
Friday, January 16, 2009
Тоглолтынхоо тайзан дээр хуримлана гэж үү

Дуучин С.Хишигбаяр, Р.Дэлгэрмаа нарыг ирэх сард тохиох Гэгээн Валентины өдөр ээлжит тоглолтоо хийх талаар чих дэлсч эхэллээ. Дуэт дуучид өнгөрсөн жилийн энэ өдөр "Би чамд хайртай" хэмээх хоёр дахь бие даасан тоглолтоо хийж, уран бүтээл төдийгүй зүрх сэтгэлийн нандин холбоогоо хурсан олны өмнө илэрхийлсэн билээ. Багагүй хугацаанд хамтарч дуулсан кь дотно харилцаатай болоход нөлөөлсөн гэдгээ нуугаагүй дуучин С.Хишигбаяр хайртдаа сүйн бөгж бэлэглэж, амьдрал гуйсан. Тэгвэл энэ удаагийн тоглолтод тэд чухам ямар сюрприз бэлтгэж байгаа талаар сонирхож, дуучин Р.Дэлгэрмаа уруу утас цохилоо.
-Уучлаарай, та хоёр Гэгээн Валентиний баярын өдөр тоглолт хийх гэж байгаа гэж сонслоо?
-Хүүе ээ, хэн тэгж байна. Бид хоёр тоглолт хийнэ гэж ерөөсөө яриагүй шүү дээ. Гэгээн Валентины баяр болохоор л тоглолтоо хийнэ гэж юу байхав. 2007 онд Улс тунхагласны баярын өдөр "Марал буусан шөнө", 2008 онд Гэгээн Валентины өдөр буюу хосуудын баярт зориулж "Би чамд хайртай" тоглолтоо хийж байсан. Тэгэхээр энэ удаагийн тоглолтоо өөр баярт зориулж хийх болов уу.
-Тэгвэл гурав дахь тоглолтоо хэзээ хийнэ гэж?
-Яг тодорхой ярьж, шийдсэн зүйл алга аа. Одоохондоо тус тусдаа бие даасан цомог гаргах гээд ажиллаж байгаа. Цомгийн ажил ерөнхийдөө шуударсан гэж хэлж болно шүү. Ямар ч байсан, тал хувийг нь хийж амжуулсан.
-Өө, тэгвэл хосуудын баяраар хайрын дуутай тоглолт, өвөрмөц сюрприз хүлээж байсан фэнүүдийн чинь урам хугарах нь?
-Ямар сюрприз хүлээсэн гэж. Өнгөрсөн жилийн тоглолтод С.Хишигбаяр гэрлэх санал тавьсан. Харин одоо тоглолтынхоо тайзан дээр хуримлана гэж үү.(инээв)
-Магадгүй л юм. Гэхдээ гэрлэх саналын тухайд, үзэгчдээ татах менежмент байсан биз дээ?
-Үгүй шүү. Хайр сэтгэлээрээ шоуддаг хүн байдаг юм уу. Энэ бүхэн С.Хишигбаярын зүгээс надад барьсан сюрприз байсан.
Анхаа Халиун эх орондоо удахгүй ирнэ

Дуучин Анхаа Халиунаагаа дагуулан Америкийг зорисон байна.Дуулиан шуугиан дүүрэн ханилсан хосууд шинэ оноо холын Америкт угтахаар оны сүүлийн өдөр хөлгийн жолоо залжээ.
Нара завгүй явна.

Дуучин Нара “Хувилгааны эрэлд” кинонд тоглосныхоо дараа “Зөрлөг” хэмээх хайр дурлал, инээдмийн кинонд бас нэгэн дүрийг бүтээсэн. Хэдийгээр кинонд тоглох сонирхолтой болсон хэдий ч өөрийн бие даасан уран бүтээлээ хийх гээд завгүй яваа дуучин бүсгүй хоёр дахь бие даасан цомгийнхоо ажилд оржээ.
Top 10 цомог

1. “A Sound” хамтлагийн “Release” цомог. Үнэ: 8500 төгрөг
2. “Киви” хамтлагийн “Чамд амжилт хүсье” цомог. Үнэ: 8500 төгрөг 3. “Алтан Ураг” хамтлагийн “Made in Altan Urag” цомог. Үнэ: 6600 төгрөг 4. “Vanquish” хамтлагийн “220” цомог. Үнэ: 4044 төгрөг 5. Дуучин Д.Болдын “Only One” цомог. Үнэ: 10000 төгрөг 6. “Харанга” хамтлагийн “Лхагвасүрэн” цомог. Үнэ: 14000 7. Дуучин Д.Болдын “Амьдарлын гол дүр” цомог. Үнэ: 8800 төгрөг 8. “The Pips” хамтлагийн “13”10” цомог. Үнэ: 6500 төгрөг 9. “Гурван охин” хамтлагийн “Жинхэнэ хайр” цомог. Үнэ: 7500 төгрөг 10. Дуучин Б.Баярцэцэгийн “Хүнийх” цомог. Үнэ: 6500 төгрөг
Thursday, January 15, 2009
Дуучин Б.Баярцэцэг ирэх намар тоглолтоо хийнэ

Britney Spears есөн сая ам.долларын үнэтэй тансаг харш руу нүүнэ

Wednesday, January 14, 2009
Backstreet Boys хамтлагийн гишvvн Howie аав болохоор зэхэж байна

Хосууд бvтэн найман жил vерхэсний эцэст 2007 оны 12-р сард гэр бvл болсон юм байна. Гэрлэснийхээ дараа тэд найман сар дэлхийг тойрон аялж бал сараа єнгєрєєжээ. 35 настай Howie, тvvний эхнэр 34 настай Leigh нар Японоос Австрали, Австралиас Европ хvртэл гайхалтай аялалуудыг хийжээ. Энэ хугацаанд дуучинд тохиолдолсон хамгийн хvнд зvйл нь бол тvvний аав тархи болон элэгний хорт хавдартай гэж оношлогдсон явдал байлаа.
Хосууд хvvхдээ тєрєхєєс ємнє хvйсийг нь тодорхойлуулахыг хvсэхгvй байгаа тєдийгvй олон хvvхэдтэй болохыг хvсдэг юм байна. Howie нь хамтлагийнхаа гишvvд дундаас хvvхэдтэй болж байгаа гурав дахь гишvvн нь ажээ.
Хамтлагийн гишvvн Brian Littrell зургаан настай хvvтэй бол Kevin Richardson 18 сартай хvvтэй ажээ.
“Харанга”-ын Х.Лхагвасүрэн тоглолт хийнэ

Т.Ариунаа: 50 доллараар тоглох нь боломжийн vнэ

Д.Болд тоглолтынхоо бэлтгэлд оржээ

Ц.Өлзий-Орших, Д.Сийлэгмаа нар тоглолтоо хийнэ

Tuesday, January 13, 2009
Г.Эрдэнэтунгалаг хатан юм бол би гүнж

Оны сүүл мушгиж тун чадварлаг тоглолт хийсэн дуучин Г.Эрдэнэтунгалаг Монголын эмэгтэйчүүдийн академийн тэргүүн Батцэцэгээс тэнгэрлэг хатан ч билүү нэр нь хэт гоёодсон одон хүртэж, тоглолтын тайзнаас буув. Цаг хатууд 20-30 жил тайзны будгийг халцартал урлагийн төлөө мөлхсөн буурлууд гавъяатдаа хүрч чадалгүй бурхандаа морилж, үлдсэн нь шилтэй цэнхэр хүзүүдэж гудамжинд гавъярхсаар дууссан түүхийг бид мартаагүй байгаа. Цаг үе өөр болж микрофон барьсан болгон нь СТА буюу Соёлын Тэргүүний Ажилтан цол хүртэж хоншоортой нэг нь "Хатан" тодотголтой одон хүртдэг цагийг бид үзэв. Сайхан л хэрэг. Гэвч төрийн нэр барьдаг одон медалийг учир замбараа нь алдагдаж хэн дуртай нь нэгнийгээ хаан хатнаар нь өргөмжилж одон зүүж өгөх болсон нь шагналын нэр хүндийг шалд нь буулгах боллоо. Хэвлэлийн эрх чөлөөний одон, Ардчиллын одон гэгчээс хойш нэр хүнд нь унасаар байгаа одонгийн ханш үнэгүйдсэнд эгдүүцэх хүн олон байна. Дуучин байх, дууг дуулж хүмүүст хүргэхээсээ илүү нэр алдар хөөцөлдөх болсон дуучид дотроос Г.Эрдэнэтунгалаг хатан юм бол би гүнж гэж тэнэгдэх хүн гараад ирэхэд гайхах юмгүй.
Эх сурвалж: Тэргүүн
Сэрчмаа 7 хоног бүр Хар хорин захын архичдаас нэг хүнийг хайж сураглан очдог болжээ

Өвөрмөц хоолой өөрийн гэсэн стилээрээ үеийхэнээсээялгарч Сели гэсэн нэрээр од болоод авсан дуучин Сэрчмаа поп хатагтай Сарантуяа, эрос Ариунаа, Алтанцэцэг, Наран нартай мөр зэрэгцэн дива хатагтай болж байсан нь саяхан. Энэ явдалд урамшсан дуучин бүсгүй маань сүүлийн үед уран бүтээлдээ ихэд анхаарч, өөрийгөө эвдэхийн тулд үглэж, бүжиглэж янз бүрийн стил загварын клип цацах болсон ч фенүүд нь түүний шинэлэг төрхийг нэг их таашаахгүй байгаа юм. Дуучин бүсгүй маань ийнхүү үзэгч фенүүддээ мартагдахгүйн төлөө уран бүтээлдээ махран зүтгэхийн сацуу долоо хоногийн лхагва гариг болгонд "хар хорин" зах руу машинтайгаа сэмхэн явж очдог нэгэн ажилтай болсноор хоёр жилийн нүүр үзээд байгаа ажээ. "Хар хорин" захын баруун талд нийслэлийн траншейний архичдын цуглардаг дулааны хэдэн шугам байдагийг тэр хавийнхан андахгүй байх.
Дива хатагтай Сэрчмаа маань долоо хоногийн гурав дахь өдөр болгон уг дулааны шугамын ойролцоо машинтайгаа ирж зогсдог бөгөөд өөрөө машинаасаа гаралгүй дагуулж очсон хэн нэгэн хүнд том тортой зүйл өгөөд "Хар хорин"-ы архичдын зүг явуулдаг юмсанж. Дуучин бүсгүй маань нэвширсэн архичдаас чухам хэнийг онцгойлон үзэж ийнхүү эргэдэг хэрэг вэ гэвэл түүний төрсөн ах Энх-эрдэнэ нь бор дарсанд ороод багагүй хугацааг үдэж байгаа ажээ. Түүнтэй хамт архи уудаг архичид Сэрчмаагийн эерүү зөөлөн сэтгэлийг магтан ярихын сацуу ахын нь тухай элдэв түүхийг ч бахтайгаар ярьдаг байна.
Тухайлбал Энх-эрдэнэ айлын цонхон доор зогсч байгаад хоёр давхараас шидсэн бүтэн хонинд даруулж үхэх шахсан тухай доорхи түүхийг их ярьдаг аж. Дуучин бүсгүйн ах Энх-эрдэнийг таван шарын ойролцоо амьдардаг нэг найз нь гэртээ дагуулж очоод "Чи манай цонхон доор зогсч бай. Би балкон дээрээс хонины нэхий аваав шиднэ. Чи тосоод аваарай" хэмээн захисан юмсанж. Сэрчмаагийн ах найзынхаа цонхон доор зогсч байгаад дээрээс нь нэгэн цагаан зүйл унаад ирэх үед нь учир зүггүй угтан тэвэрч автал нөгөөх нь бүхэл бүтэн амьд хонь байсан учир нам цохиулан газар унаган ухаан алдсан гэдэг. Энэ мэтээр хөглөж, хөглөрч, хөлөө хөлөө алдаж яваа эр "Би Сэрчмаагийн ах. Гэр бүлийнхээ хамаг зовлонг зүдүүрийг тээж явна" хэмээн өөрийгөө өмөөрсөөр таван шарын орчмоор хоног өдрйиг өнгөрөөж явдаг ажээ.
Хэдий тийм ч дуучин бүсгүй зулайг нь гишгэж төрсөн ахыгаа ганд нь хаячихаж чадахгүй эмэгтэй хүний эмтэрсэн зөөлөн сэтгэлээр хандаж, долоо хоног бүр хоол унд хийсэн тортой зүйл тав арван мянган төгрөгтэй авчирч өгдөгийг нь "хар хорин" захын архичид хувааж идэн хэдэн өдөртөө гэдэс цатгалан явдаг байна. Айлын хүүхдүүдийн хувь тавилан гэж алагтай цоогтой л байх юм даа.
Эх сурвалж: Ноцтой мэдээ
Ферги нєхєрт гарчээ

Ферги дєрвєн каратын алмаазан шигтгээтэй бэлзэг, нєхєр нь цагаан алтан бєгж хуруундаа гялалзуулав. Хуримын ёслолд хосуудын гэр бvлээс гадна "Black eyed Peas" хамтлагийн гишvvд, найзууд нь оролцжээ. Шинэхэн гэрлэгсэд бал сараа Хавайн аралд тэмдэглэхээр тєлєвлєсєн байна.
Д.Хишигбаяр, Р.Дэлгэрмаа нар Гэгээн Валeтины өдрөөр тоглолтоо хйинэ

Monday, January 12, 2009
Дуучин Р.Номин-Эрдэнэ шинэ цомгоо гаргана

Үрийн зулай үнэрлээд, уран бүтээлээсээ багагүй хугацаанд хөндийрсөн дуучин Р.Номин-Эрдэнэ удахгүй өөрийн бие даасан шинэ цомгоо гаргахаар ажилдаа ороод байгаа гэнэ. Тэрбээр энэ удаагийнхаа цомогт өөрийн хит болж байсан хуучны дуунуудаа өөр өнгө аястай болгон өөрчилж, цоо шинэ өнгө төрхтэй болгох гэнэ. Мөн тэрбээр энэ ондоо багтаж бие даасан тоглолтоо хийхээр төлөвлөөд байгаа юм байна. Түүнчлэн дуучин Р.Номин-Эрдэнийн шинэ клипүүд удахгүй телевизийн эфирээр цацагдаж эхлэх гэнэ. Б.Ангирмаа: Киви бол миний дотоод сэтгэлийн илэрхийлэл

Хүн амьдралынхаа ямар үед хамгийн сэтгэл хангалуун байж, өөртөө бардамнадаг вэ? Мэдээж зорилгодоо хүрсэн үедээ. Эмэгтэй хүн мөрөөдлөө бодит амьдрал болгочихоод бусдын өмнө итгэл төгс зогсоно гэдэг гайхалтай. Үүний нэгэн жишээ бол ая зохиогч Б.Ангирмаа.
-Та ойрд ажил ихтэй байна уу?
-Ажил ихтэй байгаа. Кивигийн хувьд гурав дахь цомгийнхоо ажилд орчихсон. Өөрөөр хэлбэл би дуунуудаа зохиогоод эхэлчихсэн.
-Таны шинэ дуунуудын өнгө аясанд өөрчлөлт орсон уу?
-Амьд хөгжим голлосон альтернатив тал руугаа байж болох дуунууд багтаж байна.
-Киви яагаад монгол охиноо дандаа солиод байдаг юм бэ?
-Солигдоно шд. Монгол охин бол угаасаа солигдох гэрээтэй.
-Ангирмаагийн хатуу шаардлагыг давж чадахгүй байна уу?
-Тэгвэл яагаад нөгөө хоёр нь байгаад байгаан? Тэгвэл гурвуулаа л бутраад, надаас зайлаад өгөх байсан юм биш үү? Хэрвээ би тийм хатуу ширүүн юм бол. Ер нь би өөрөө хөдөлгөөнтэй. Нэг газраа удаан байх ч юм уу, нэг хүнтэй удаан найзлах ч юм уу тийм сонирхолтой биш.
-Тэгэхээр таны сэтгэл зүйн байдлаас монгол охин хамтлагт байх эсэх нь шалтгаалдаг байх нь ээ?
-Тэгж хэлж болно. Анхнаасаа л би богино хугацаагаар гэрээ хийдэг. Тэгээд бүх юм шинэчлэгдэж, солигдож хөдөлгөөнд байх дуртай. Дараагийн шинэ охин маань ямар охин байх бол гэж харах ч юм уу.
-Магадгүй монгол охин нөгөө хоёрыгоо бодвол “замень” олонтой байх?
-Тийм. Одоо гэхэд л шинэ охиноо олчихсон байна.
-Бүх зүйл шинэчлэгдэж байхад дуртай гэдэг атлаа та яагаад гадаад имижээ өөрчилдөггүй юм бэ?
-Тэр гол нь биш. Миний дотоод сэтгэлгээ ондоон шдээ. Гадаад имижээсээ шал өөр.
-Гэхдээ та үсээ урт ургуулаад л, гоёлын даашинз өмсөөд...
-Үзчихсэн юм чинь дээ. Чамайг төрөөгүй байхад би аль хэдийнээ үзчихсэн. Хүнтэй ярихад л надад сайхан байдаг. Би хүний ухааныг л илүүтэй үнэлдэг. Түүнээс биш сайхан даашинз өмссөн, сайхан нүүр царайтай тэнэг хүнтэй бол би юу ярих вэ дээ? Өөрийгөө би үүнтэй адил боддог. Хамгийн гол нь толгой цэнэгтэй, эрч хүчтэй, залуу сэтгэлгээтэй байх ёстой. Тэр дотоод сэтгэлээ би Кивигээр илэрхийлдэг. Тэд нар чинь өөрсдөө л үс гэзгээ тэгж янзлаад, даашинзаа сонгоод гараад ирсэн юм биш шдээ. Бүгдийг нь би байгуулж байна. Би тийм л их сексуальный хүн байхгүй юу.
-Кивиг эс тооцвол та нам гүм болжээ?
-Аргагүй шдээ, би дарга болчихсон юм чинь. Захирал болчихсон шдээ. Монголын анхны 24 цагийн хөгжмийн сувгийг удирдаж байна. Нийгэмд эзлэх байр суурь маань дээшилж байна. Тийм учраас зав муутай болсон. Тэгээд ч одоо миний тайзан дээр гардаг нас биш. Харин дуу зохиох бол миний сонирхол. Хэзээ хүссэн үедээ л төгөлдөр хуурын ард суугаад дуу зохионо. Тийм чадвар надад байдаг.
-Ямар үед төгөлдөр хуурын ард суух вэ?
-Завтай үед ээ л.
-Зав л гарвал онгод бэлэн үү?
-Ер нь бол хөгжмийн ард суухад дуу гарчихдаг юм даа.
-Ангирмаа гэдэг хүн хэн нэгнээс хараат байх уу?
-Үгүй. Гэхдээ гэр бүлийн хүмүүжил байна. Ах эгчээсээ эмээдэг. Тэр хүмүүсийн үгийг сонсож, тэр хүмүүстэй байнга зөвлөлдөнө. Ер нь бол эрх чөлөөтэй. Шудрага шулуун. Хүн их загнаж ярьдаг тийм л хүн.
-Та ганцаараа амьдардаг уу?
-Тэгдэг.
-Яагаад өнөөдрийг хүртэл хүнтэй суухгүй байна аа? Таны тавьсан шаардлагыг хангах монгол эр хүн олдохгүй байна уу?
-Олдохгүй байна. Хүсэхгүй байна. Сэтгэл санаанд нийцэх хүн байдаг л байх. Би тэр хүнтэйгээ таарахгүй байгаа юм байлгүй дээ.
-Та их өөнтөгч юм болов уу?
-Тийм биш ээ. Зожиг энэ тэр биш шүү дээ. Их олон найз нөхөдтэй, нийтэч, эрэгтэйчүүдтэй сайхан найзлаад, үерхээд, явалдаад л. Бүх л юм миний хувьд бол нээлттэй.
-Ингэж явсаар насны эцэст ганцаардах вий гэж айдаггүй гэж үү?
-Би тэрийг бодох дургүй. Би өнөөдрөөрөө амьдардаг. Хорин хэдэн настайдаа би гуч, дөчтэйдээ ямар байх бол гэж боддоггүй л байсан. Тэгэхээр тавь, жартайдаа ч тийм л байна байх. Тухайн үед бас нийгэм ямар ч байх юм билээ. Би ч ямар байх юм билээ. Тэрийг тухай үед нь л хариулах байх.
-Хэдийгээр өнөөдрөөрөө амьдардаг ч хүн болгонд зорилго байдаг?
-Мэдээж зорилготой байж би өнөөдрийн нэр хүндэд хүрсэн. Одоо бол намайг танихгүй хүн гэж байхгүй. Тэмүүлэл, хүсэл мөрөөдөлтэй байж энэ байр суурийг олж авсан гэж би өөрийгөө бодож байна. Тэр талаар бол надтай ярилтгүй.
-Өнөөдрийн байр сууриндаа та ханачихсан уу?
-Хүн болгон шуналтай. Зорилго бүхнээ би цэнхэр дэлгэцээр эсвэл сонин хэвлэлээр зарлах албагүй. Санаа сайн бол заяа сайн гэгчээр болох байх. Зөв явбал зөөлөн зөөлөн замбуулин гэдэг биз дээ? Миний амжилт мөхөхгүй байх. Тийм учраас би өөртөө итгэлтэй амьдардаг. Хүний зорилго гэдэг бол тарааж яриад, гайхуулаад байх зүйл биш.
-Танаас хүмүүс хэр зэрэг эмээдэг вэ?
-Эмээдэг. Би их өндөр шаардлага тавьдаг. Наад зах нь цаг барихыг их шаарддаг. Миний үзэн яддаг юм хүнийг хүлээх. Эсвэл хэн нэгнийг хүлээлгэх. Ажил эрхэлдэггүй, залхуу тийм хүмүүстэй бол би загнаж л харьцдаг.
-Амьдралд хүн хэн нэгнээр хөглүүлж байдаг.
-Би ажлаасаа эрч хүч, хөг авдаг. Дээрээс нь олон залуу найз нараасаа авна. Киви ч бас миний найз нар шүү дээ. Түүнээс биш эр хүнээс ч юм уу, хайр сэтгэлээс авна гээд байхгүй. Хайр бол аяндаа бий болдог, гүйгээд ирдэг зүйл. Хэрэглэх үедээ хэрэглээд, хугацаа нь дуусвал явуулчихдаг тийм л зүйл.
-Таны анхны хайр ямар хүн байсан бэ?
-Мэддэггүй шдээ. Аль нь анхны хайр байсан юм. Нэг их олон залуучууд л байсан. Бүгдэд нь л хайртай байсан байх.
-Хэрвээ Ангирмаа хэн нэгэн хүнд атаархана гэвэл ямар хүнд?
-Би бага залуудаа их атаархуу байсан. Надаас давуу авъяастай ч юм уу тийм хүнд атаархдаг байсан. Их амбицтай. Ажлын тал дээр шүү дээ. Одоо бол би тийм биш.
-Манай урлагийнхныг бодвол таны орлого гайгүй байна уу?
-Гайгүй. Таргалаад л байна. Овоо олж байгаа юм байлгүй.
-Ер нь та улс төр сонирхох уу?
-Үгүй чш. Юугий нь сонирхохын?
-Одоо энэ уул уурхай, Айвенхоу майнз гээд л хүн бүр яриад байгаа шүү дээ?
-Би ганцхан Ж.Батмөнх гуайг л үнэлдэг. Тухайн үед үнэхээр цаг үеэ олсон, зөв шийдлийг гаргаж чадсан хүн. Улс орныхоо төлөө гэсэн сэтгэлтэй, мундаг боловсролтой ухаалаг хүн гэж би боддог. Тэр үед залуучуудад байр сууриа тавьж өгнө гэдэг гайхалтай. Одоо бол энэ Н.Энхбаяр, М.Энхболд гэх мэт хүмүүс байр сууриа тавьж өгөөсэй, ухамсраараа. Гэхдээ тавьж өгөхгүй л дээ. Би мэдэж байгаа юм чинь. Ж.Батмөнх гуай шиг тийм сэтгэл тэдэнд байхгүй.
-Урлагийн хөгжилд та сэтгэл хангалуун байж чаддаг уу?
-Сэтгэл хангалуун байдаг. Нөхцлийг нь бүрдүүлж өгөөсэй. Манай ард түмэн бүхэлдээ гайхамшигтай авъяастай хүмүүс. Урлагийнхан бидэнд ордон алга байна. Бизнесменүүдэд түрээсийн мөнгө өгч, тэд нарыг тэжээж байна шдээ.
-Зохиолын дуу түрж орж ирж байгаа тал дээр таны санал?
-Орж ирэг л дээ. Би зохиолын дууг сонсдог. Баясгаланг сонсдог. Жавхланг сонсдог.
-Та нарын орон зайг эзэлчих юм биш үү?
-Хэзээ ч чадахгүй. Хэзээ ч. Яагаад гэвэл энэ рок, поп, хип хоп төрөл гэдэг зохиолын дуунаас хэдэн шат ахичихсан урлаг.
-Ярилцлага өгсөнд баярлалаа
-Танай сайтынханд амжилт хүсье.
АНГИРМАА БАНАНА ХАМТЛАГИЙГ СОНГОЛОО

ЭНЭ ЖИЛИЙН МОДАНЫ ХҮН BEATBOX RAY

Sunday, January 11, 2009
“Классик жeм”-ийнхэн мөддөө тоглолт хийхгүй

“Чингис хаан” хамтлаг Өвөр Монголыг зорино

“Алтан ураг” хамтлагийн дөрвөн цомог ирэх сард гарна

“New Star” студийн таван жилийн ой болно

Баажий бие даасан цомгоо гаргана























